DAVAO CITY – Miarangkada na sa Davao City ang pinakaunang GrabCar dinhi sa Mindanao, human kini pormal nga gi-launch sa usa ka hotel dinhi sa syudad.
Gipangunahan ang launching nila Grace Vera Cruz, country head Grab Philippines kauban sila Vice Mayor J. Melchor Quitain Jr. ug LTFRB XI Regional Director Nonito Llanos.
Sumala pa ni Vera Cruz, tumong nila ang paghatag og oportunidad sa mga dabawenyo, hilabi na ang paghatag og optimistic, dynamic, safe and eco-friendly alternative means of mobility sa mga pasahero.
Samtang, nagpadayag usab si Llanos sa iyang suporta gumikan sa matod pa dakong tabang niini alang sa modernisasyon sa mga public transportation sa dakbayan, kansang dugay nang pangandoy sa mga nangaging administrasyon.
Sa karon anaa pa lamang sa 200 ka mga grab units ang laumang mag-operate dinhi sa Davao City sa katapusan o sa mosunod nga bulan.
Mensahe ni Vera Cruz sa katawhan nga testingan ang ilang serbisyo sanglit safe ug dakong tabang kini sa mga katawhang naglisod sa pagsakay.
Kahibaloan nga ning kasamtangan, tulo pa lang ka mga syudad sa nasud ang adunay GrabCar susama na lamang sa Metro Manila, Cebu ug Davao.
