Sunog sa Calinan, niugdaw sa tulo ka balay

DAVAO CITY – Tulo ka mga balay ang naugdaw sa nahitabong sunog sa Purok 36, Park Avenue, Calinan Poblacion, Davao City kagahapon sa kaadlawon.

Sumala sa Calinan Fire Station, pulos ugdaw ang maong ihap sa mga kabalayan nga gilamoy sa dagkong kalayo nga unang niulbo bandang ala-una sa kaadlawon.

Nanukad kini sa usa ka bakanteng balay ug dali kining mikatag sa pikas balay.

Base sa datos, gibanabanaang anaa sa 25 ka mga pamilya ang apektado sa nahitabong sunog.

Samtang anaa sa dul-ang dos milyones pesos ang gikatalang danyon sa maong panghitabo.

Kasamtangang nagpuyo sa covered court ang mga apektadong residente.