Mipasalig si Chinese President Xi Jinping nga maghatag ang gobyerno sa China og $20 milyon (₱1.28 billion) aron suportahan ang mga programa sa kooperasyon ug kalamboan sa rehiyon sa Asia-Pacific.
Gipahibalo kini ni Xi atol sa iyang opening statement sa ika-33 nga Asia-Pacific Economic Cooperation (APEC) Economic Leaders’ Meeting niadtong Huwebes, diin gipasiugda niya ang padayon nga suporta sa China sa mga miyembro nga ekonomiya sa APEC.
Magtukod og sentro alang sa Asia-Pacific Community Studies sa Shenzhen, China, nga magpunting sa pagtuon sa mga polisiya, pagbayloay og kahibalo, ug paghatag og suporta sa mga programa sa kooperasyon sa rehiyon.
Lakip usab sa iyang gipasiugdang mga inisyatibo ang pagtukod og mga institusyon alang sa kooperasyon sa digital technology, limpyo nga enerhiya ug mga bag-ong inobasyon nga makatabang sa pagpalambo sa ekonomiya sa Asia-Pacific.
Gipunting ni Xi nga importante ang siyentipikanhon ug teknolohikal nga kooperasyon, lakip ang pagpalambo ug paggamit sa mga resulta sa inobasyon aron mapadayon ang pagtubo sa ekonomiya.
Samtang, gihisgutan na usab nila ni US President Donald Trump ang paspas nga pag-uswag sa artificial intelligence o AI ug ang panginahanglan sa pagdumala sa mga posibleng risgo niini.
Kahinumdoman nga supak si Trump sa bisan unsang porma sa global regulation sa AI nga matud pa niya mahimong makapugong sa inobasyon ug kompetisyon sa teknolohiya sa Estados Unidos.











