-- ADVERTISEMENT --

Gikuhaan og kapin 97 bilyong pesos nga mga proyekto ang Department of Public Works and Highways o DPWH sa bersyon sa Senado sa proposed 2027 national budget, samtang gibalik ang pondo alang sa pipila ka dagkong infrastructure projects.

Sumala kang Senate Finance Committee Chairperson Senator JV Ejercito, resulta kini sa pagsusi sa mga proyekto nga napakyas sa pagtuman sa mga dokumentong gikinahanglan alang sa ilang pag-apil sa budget.

Lakip sa mga gibalik nga pondo ang 68.797 bilyong pesos alang sa foreign-assisted infrastructure projects, nga naglakip sa Metro Manila Subway ug North-South Commuter Railway.

Gibutangan usab og pondo ang ubang dagkong proyekto sama sa Cavite-Bataan Bridge ug Laguna Lakeshore Highway.

Matud ni Ejercito, importante nga masiguro ang hustong pondo sa mga proyekto aron malikayan ang dugang nga pagkalangan sa ilang pagpatuman.

-- ADVERTISEMENT --

Apan ang mga kausaban kabahin pa lamang sa rekomendasyon sa Senate Finance Committee ug kinahanglan pang hisgotan sa plenary deliberations sa Senado sa dili pa maapil sa pinal nga 2027 national budget.