DAVAO CITY – Gibutyag sa City Economic Enterprises nga nakakolekta ang ilahang buhatan og dugang 27.23% sa first quarter sa 2023 nga mas dako sa susama nga period sa 2022.
Matud pa ni CEE head Maximo Macalipes Jr. nakakolekta sila ug kinatibuk-ang P67,267,079.75, o mas taas sa P52,867,793.22 nga natala sa unang tulo ka bulan sa 2022, diin kini ang pinakadako nga nakolekta nila karon nga quarter kung itandi nila sa unang quarter sa milabay nga tuig. Sa datus, adunay dakong share ang market operations nga anaa sa 64.39 percent sa total collection o P43,309,561.67.
Sa ikaduhang bahin, ang ang income sa Bankerohan Public Market sa first quarter sa 2023 misaka sa 19,520,223.17, tugbang sa 45.07 percent sa kinatibuk-ang cluster. Dugang butyag pa sa hepe sa CEE nga padayon gihapon sila og pangita og oportunidad aron maka-generate og daghanang revenues nga kinahanglan sa mga proyekto sa siyudad.
Ning kasamtangan, ang mga slaughterhouse sa Malagos, Almendras Gym, night markets, Sta. Ana Port sa Magsaysay Park ang padayon nga mag-operate ilalom sa CEE alang sa dugang revenue.
