DAVAO CITY – Gibalhin na sa Bureau of Jail Management and Penology sa Tagum City, Davao del Norte, gikan sa detention facility sa Criminal Investigation and Detection Group-Regional Field Unit ang nadakpan nga taas nga lider sa New People’s Army-Southern Mindanao Regional Committee, nga si Eric Jun Casilao kagahapong adlawa, Mayo 9.
Kahinumduman nga nadakpan si Casilao niadtong didto sa nasud Malaysia niadtong April 1, 2022 ug niadtong April 17, 2023 gidala kini dinhi sa dakbayan sa dabaw diin temporaryong gibilanggo sa CIDG-RFU 11.
Si Casilao ang nag-atubang ug mga kasong murder, kidnapping ug serious illegal detention uban sa P5.4 million nga patong sa ulo.
Sa pikas bahin, gikumpirma usab sa CIDG-RFU 11 nga misulay sa pagkutlo sa iyang kinabuhi si Casilao sulod mismo sa iyang detention cell, hinuon dali kini nga natabang ug gidala sa SPMC.
