DAVAO CITY – Pagaablihan na sa wa magdugay ang ginatukod nga University of the Philippines Mindanao Sports Complex nga nahimutang sa U.P. Mindanao, Mintal, Davao City.
Sumala ni Davao City Mayor’s Office – Sports Development Division head Mikey Aportadera, giinspeksyon na ang maong gambalay sa mga opisyales sa Philippine Sports Commission sa panguna ni PSC Commisioner Richard Bachmann niadtong nakalabayng bulan.
Nagkinahanglan pa og polishing sa mga pasilidad sama sa bleachers, running tracks ug swimming pool.
Ingon man ang matrabahong pagsusi sa kalig-on niini arom masiguro ang kaluwasan sa mga maglusad og panagbansay sa maong sports complex.
Una nang gigamit ang maong pasilidad kaniadtong 2019 DAVRAA Meet. Adunay 30,000 seating capacity ang maong sports complex nga mamahimong venue sa mga dagkong sports events sa dakbayan.
Niadtong 2015, mipirma sa usa ka kasabutan ang UP ug City Government of Davao diin ang UP Mindanao naghatag ug 20 ka ektarya nga luna alang sa complex, samtang ang Dakbayan sa Davao magtukod sa maong pasilidad nga gigastuhan og osto milyones pesos.
via || Bombo LJF
