DAVAO CITY – Nagkasinabot na ang DepEd-Davao ug Task Force Davao alang sa pagahimoong information and educational campaign mahitungod sa culture of security dinhi sa Davao City.
Sumala pa ni TF Davao head Col. Darren Comia, ginahikay na sa DepEd Davao ang ilang mamahimong schedule sa paglusad og kampanya sa mga tulunghaan sa dakbayan.
Gikanayanon ni Comia ang pagkamahinungdanon sa pagpakaylap og mga kasayuran sa mga tumutuon sa elementarya ug sekundarya nga mga tulunghaan mahitungod sa kulturang panseguridad sa dakbayan nga “Kung May Nakita, Magsalita.”
Giandaman sab sa mga sakop sa TF Davao ang mga estudyante og learning materials alang sa ipahigayong school information drive.
Gilaumang magsugod ang ilang pagbisita sa mga tulunghaan sa musunod pang simana. Ang maong proyekto, kabahin sa pagsaulog sa ika-20 ka anibersaryo sa pagmugna sa Task Force Davao.
via || Bombo LJF
