DAVAO CITY – Gikatala sa Davao City Business Bureau ang nasa dul-ang 45,000 ka mga business permit applications sa unang bahin sa 2023.
Gikanayon sa tigdumala sa City Business Bureau nga si Maribel Paguican, anaa na sa 44,956 ka mga aplikasyon ang ilang nadawat nga gilangkuban sa 43,596 renewals ug 1,360 ka mga bag-ong negosyo.
Samtang, nasa 1,000 na ang naisyuhan og mga bag-ong business permit. Kasagaran sa mga nag-apply ang nagagikan sa small and medium enterprises kon SMEs ug nasa retail industry.
Pipila sab ka mga establisyemento partikular na sa Marilog ug Calinan ang kasamtangang pending gumikan sa ordinansa sa pagprotekta sa mga nahisgutang conservation areas sa dakbayan.
Giawhag sab ni Paguican ang mga negosyo nga nasayop sa pagproseso sa ilang business permits kaniadtong Enero nga mag-apply aron dili mapahamtangan og mas dagkong multa.
Tambag sab sa opisyal ngadto sa mga negosyante nga mag-proseso sa mga rekisitos alang sa ilang business permit pinaagi sa ilang online platform alang sa paspas, dali ug makabaratong pagproseso.
via || Bombo LJF
