DAVAO CITY – Duha ka alkalde sa Davao Region ang dungan nga nipirma sa pakigtambayayong tali Davao City ug Mati City, Davao Oriental kagahapon.
Giladgaan nila Davao City Mayor Sebastian Duterte ug City of Mati Mayor Michelle Nakpil ang ilang kasabutan isip sister cities. Subay sa maong kasabutan, magtinabangay ang duha ka dakbayan alang sa mas lawom nga pagsinabtanay pinaagi sa pagbahandi sa ilang mga ideya o kahimanan sa natad sa agrikultura, kultura, eco-tourism, kahimsog, ug pagpanalipod sa kinaiyahan.
Mulungtad sa lima ka tuig ang maong partnership nga posibleng mulungtad pa sa mga katuigan. Gikalipay kini ni Mayor Nakpil nga gikanayong nahimong dagkung tabang ang Davao City ilabi na sa panahon nga gipahapa sa pandemya ang dakabayan.
Samtang gipaambit sab ni Mayor Baste ang iyang takos nga paghigugma sa Mati City nga duol sa iyang kasing-kasing.
Una pa man ang nahitabong pirmahay, una nang miadto si Mayor Baste sa Mati City kauban si Councilor Javi Garcia Campos nga nagmugna og ordinansa mahitungod sa Sister City Agreement.
Ang Mati City pa lamang ang pinaka-unang sister city sa dakbayan sa Davao nga gikan sa Davao Region.
via || Bombo LJF
