DAVAO CITY – Bisan wala’y opisyal nga pamahayag gikan sa mga transport Group sa Dakbayan sa davao nga muapil sa gikasa nga Nationwide Transport Strike, pipila ka mga tulunghaan sa syudad ang mipatuman og asynchronous classes isip direktiba gikan sa CHED ug DepEd nga dili mahunong ang klase taliwala sa 7-Days nationwide strike nga nagsugod karong adlawa Marso 6.
Lakip sa mga tulonghaan nga mipagawas og abiso mao ang Ateneo De Davao University ug Holy Cross of Davao College diin magpadayon ang ilang mga klase pinaagi sa online.
Samtang una na usab mipagawas og anunsyo ang chancellor sa UPMindanao nga si Pro. Lyre Anni Murao nga padayon nila nga imonitor ang bisan unsa mang kabag-ohan sa nasangpit nga sitwasyon tungod laraw niini nga i-shift ngadto sa online modalities ang klase sa UP Min kung madayon man ang transport strike sa Davao city.
Sa kasamtangan, normal ang dagan sa transportasyon karon sa syudad.
