DAVAO CITY – Nanawagan ang Philippine Statistics Authority 11 ngadto sa mga nakakuha sa ilang national ID nga i-surrender kini kon makita ang mga depektibong detalye.
Gumikan kana sa mga reklamo nga nadawat sa ahensya mahitungod sa mga isyu nga anaa sa ilang mga ID sama sa nangantanggal nga mga hulagway.
Gikanayon ni Baby Jean Alid, Registration Officer sa ahensya, wala pay tubang kon nganong adunay mga daot nga ID bisan pa man na-print kini sa susamang ekipo nga nag-imprenta sab sa mga passport og kwarta.
Pipila ka adlaw o buwan pa lamang ang hulaton una pa nila madawat ang ipailis nga ID tungdod iproseso kini pagbalik sa ilang main office.
Busa nanawagan ang PSA 11 nga kon mamahimo, ihatag pagbalik ang mga gubang ID sa pinakaduol nga PSA offices sa ilang mga lugar.
Dugang pahibalo sab sa buhatan nga magamit gihapon ang mga sa matag transaksyon sa mga pampubliko ug pribadong establisyemento ang printed version sa ilang mga Philsys ID.
Mamahimong silutan sa balaod ang mga kumpanya nga masutaang dili mudawat og printed copy sa ilang national ID.
via || Bombo LJF
