DAVAO CITY – Gipahibalo ni Alex Roldan, Regional Director, Department of Interior and Local Government nga mamahimong mopadangat sa ilahang buhatan ang bisan kinsa kung aduna silay reklamo kabahin sa Code of Conduct sa mga Barangay Officials ug Staff, sama na lamang kung wala sila gitarong og tagad sa mga officer in charge. Apan, gihatagan usab og gibug-aton sa opisyal nga kung aduna silay reklamo, kinahanglan nga kompleto ang detalye nga ihatag nila diin lakip ni ini: kung unsa ang ilahang tumong sa pag adto sa barangay, kinsa nga mga tao ang wala mitagad sa ilaha, unsa ang kahimtang sa maong higayuna ug uban pa. Hinuon, gibutyag sab sa opisyal nga wala pay nadawat nga reklamo sa kasamtangan ang ilahang buhatan mahitungod sa mga Barangay Officials ug Staff nga wala misunod sa Code of Conduct ingon man reklamo kabahin sa mga nakasinati og dili maayong pagtagad sa mga indibidwal nga modangop sa ilahang mga opisina. Gitino usab ni ini nga ang mga Barangay Kagawad ug Kapitan walay fix time ingon man dili sila required nga mo report 8am to 5pm gumikan na usab nga ang governance 24 hours kana, gawas na lamang kung sila ang officer of the day ug kung adunay session. Gani, ang mga Barangay Kapitan ug Kagawad kinahanglan magbilin og tao nga mo representa kanila kung mo hawa sila o wala sila sa opisina ug mao kana ang officer of the day. Dugang ni ana, ang nahibiling barangay officials sama sa mga Brgy Secretary, Brgy Treasurer, ug uban pang fanctionary kinahanglan nga magpabilin o present sa opisina during office hours, kung diin kinahanglan sab matod pa nga adunay makabutang sa mga barangay kung kanus-a ang ilahang mga office hours ug dili mamahimo nga walay mo tubag sa mga concern sa mga tao. Kung ugaling walay tao ang usa ka barangay, mamahimo kining kasuhan og Anti-Red Tape Authority.
