DAVAO CITY – Gilauman nga muabot sa kapin 600 ka mga partisipante gikan sa tourism ug mga business sector ang gibanabanaan nga mutambong alang sa ipahigayon nga M.I.C.E. Conference o MICECON nga ipahigayon sa Dakbayan sa Dabaw. Diin lauman nga tambongan kini sa mga langyaw nga mga delegado gikan sa MICE industry aron muhatag ug dugang nga mga palatun-unan kalabot sa mga nagkalain-laing global trend nga may kalambigitan sa negosyo, ingon man makita usab niini ang kaanidot nga kultura sa Davao Region. Tumong usab niini aron maibitahan kini alang sa mga ubang oportunidad gikan sa lokal ug international MICE experts. Sa pikas bahin, nangandam usab ang Davao City Public Safety Command Center PSSCC sa maong event, diin ipakatag sa buhatan ang 15,000 nila nga mga personahe aron masiguro ang seguridad o kalinaw aron hapsay ipahigayon ang 2023 Philippine Meetings, Incentive Travel, Conventions Exhibitions Conference o MiceCon.
