DAVAO CITY – Gilugway sa lokal nga panggamhanan sa Davao City ang information drive mahitungod sa naghinapit nga implementasyon sa High Priority Bus System kon HPBS.
Gikanayon ni CSWDO – Community Welfare Program focal person na si Mae Aquino, nagsugod na sila sa pag-libot libot sa mga barangay aron ipasayod ang katawhan sa gilaumang modernization sa transport system.
Gibutyag sab ni Aquino nga posibleng ipatuman na ang HPBS sa ikatulong bahin sa tuig 2023 diin giandam na sab ang ihatag nga tabang pinansyal alang sa mga drayber ug operator nga mamahimong apektado sa maong proyekto.
Makadawat ug P100,000 cash assistance ang mga operators, samtang P80,000 alang sa mga drayber.
Gitino sab ni Aquino nga posibleng isurrender na sa operator ang ilang mga sakyanan ngadto sa LTFRB nga dunay katugbang nga bayad, o dili kaha himoong private vehicle kon makapasa kini sa road worthiness test sa ahensya.
via || Bombo LJF
