DAVAO CITY – Gitapuk-an sa mga sabungero ang New Matina Gallera ning dakbayan human hingpit nang ibalik ang operasyon sa sabong.
Gitambungan og daghang manimbahay kon kristo ang maong sabungan human sulod dul-an 3 ka tuig nga naundang ang talpakan.
Gikalipay sa mga manalpakay ang maong balita tungod human sa pagkahunong niini tungod sa pandemya, dili na sila mudayo pa sa laing lugar aron makatalpak.
Gikumpirma sa Committee on Trade, Commerce and Opportunities chairperson ug Davao City Councelor Bernie Al-ag, gi-aprubahan na ni Mayor Baste Duterte kaniadtong Diyembre sa miaging tuig ang usa ka ordinansa mahitungod sa pagpabalik sa cockfighting operations dinhi sa dakbayan, apan gipaklaro sa konsehal nga sa bulan sa Pebrero pa kini ipatuman.
Kahinumdumang nahimong kontrobersyal ang pagpahigayon og derby sa New Matina Gallera niadtong Marso 2020 taliwala sa gipasakang restrictions sa kaniadtong bag-uhay nga nadiskubreng variant sa Coronavirus.
Diha sab sa maong katikaran natala ang pinakaunang COVID-19 transmission sa dakbayan nga gikamatyan sab kini sa sa pipila ka mga nisalmot; ug nahitabo ang lain pang kaso sa pagpanakod sa tibuok Mindanao.
via || Bombo LJF
