DAVAO CITY – Gipatuman na sugod Enero 1 ning tuiga ang ikaduhang bahin sa tranche increase sa daily minimum wage alang sa Davao Region.
Sumala pa Regional Tripartite Wages and Productivity Board-Davao, P16 ang mamahimong dungag sa minimum wage sa matag trabahante sa pribado ug agriculural sector.
Tungod niana, maanaa sa P443 ang kitaan alang sa industrial, commercial ug retail/service nga dunay lapas sa napulo ka mga empleyado; samtang P428 ang madawat sa susamang mga pribadong kumpanya nga dunay ubos sa 10 ka empleyado.
P438 sab ang kitaan alang sa agricultural sector sa rehiyon.
Kahinumdumang, gipatuman ang unang tranche sa daily wage increase sa rehiyon hangtud P31 kaniadtong Hunyo 19 sa nakalabayng tuig.
Gikatakdang ipatuman ang third tranche nga muabot sa P15 increase karong Abril 1 alang sa mga pribadong kumpanya nga dunay ubos sa 10 ka mga empleyado.
Gikanayon ni DOLE XI Regional Director Atty. Randolf C. Pensoy, nga alang kana sa mga minimum wage earners sa pribadong sektor ang maong wage increase dinhi sa rehiyon, taliwala sa ilang posisyon ug ang paagi sa ilang kitaan.
Sigurohon sab sa DOLE XI nga adunay tulubagon sa balaod ang mga kunmpanya nga dili musunod sa gipatumang wage increase subay sa Section 12 sa RA No. 6727 kon Wage Rationalization Act.
Sumala sa datos sa ahensya, anaa sa 3,660 ang ihap sa private establishments sa rehiyon nga naglangkub sa 159,060 ka mga trabahante.
Sa maong ihap, 99.62% ang nasuta nga misunod sa kasamtangang minimum wage.
via || Bombo LJF
