DAVAO CITY – Nakadawat ug Seal of Good Local Governance ang tulo ka mga LGUs sa Davao Region nga nahilakip sa kapin 350 ka mga awardees atol sa awarding ceremony niini nga gipahigayon sa usa ka dagkong hotel sa Maynila niadtong Disyembre 15.
Nakadawat sa maong pasidungog ang mga syudad sa Mati sa Davao Oriental, Island Garden City of Samal sa Davao del Norte, ug Digos City sa Davao del Sur.
Personal nga gidawat nila Mati City Mayor Michelle Rabat, Samal Mayor Al David Uy, ug Digos City Mayor Josef Cagas ang maong award lakip ang P7 million nga insentibo gikan sa nasudnong gobyerno.
Nakuha sa tulo ka syudad sa rehiyon ang pipila ka mga sumbanan sa disaster resilience, social protection, peace and order, business friendliness and competitiveness, financial administration, environmental management, turismo, culture and the arts.
Lakip sab ang sumbanan sa tulo ka mga haligi sa maayong pagpangatundanan mao ang maayong edukasyon, pagbansay sa mga kabatan-onan, ug pagtubag sa mga suliran sa kahimsog sa katawhan.
Ang Seal of Good Local Governance ward, nagtumong nga pasidunggan ang mga LGU sa ilang padayon nga pasalig sa pag-uswag pinaagi sa mas maayo nga performance.
Na-institutionalize ang maong pasidungog kaniadtong 2019 ni kanhi Pangulong Rodrigo Duterte.
VIA || Bombo LJF
