DAVAO CITY – Pipila ka mga kadalanan sa Davao City ang gikatakdang pagasirad-an atol sa pipila ka mga katikaran sa nagpahinabong selebrasyon sa Pasko Fiesta karong tuig.
Giaprubahan ang mosyon nga gisumite ni Davao City councilor Conrado Baluran atol sa regular session sa Sangguinang Panglungsod mahitungod sa maong sugyot sa Davao City Tourism Operations Office nga temporaryong pagasirad-an ang pipila ka mga kadalanan sa dakbayan alang sa Pasko Fiesta.
Dili una paagian sa mga motorista ang mga dalan sa San Pedro Square, San Pedro Street, ug Bolton Street gikan Disyembre 16 hangtud 17 aron pagpangandam sa Banda Dasig.
Sa adlaw sa kumpetisyon karong Disyembre 18, temporaryong bakuran ang mga kadalanan sa Pelayo ug Iñigo Streets.
Gikatakdang magpagawas ang CTTMO alang sa lain pang mga anunsyo ug mga alternatibong ruta alang sa Banda Dasig nga usa sa mga pinakadagkong kumpetisyon ipahigayon karong Pasko Fiesta.
via || Bombo LJF
