DAVAO CITY – Gianunsyo sa Davao City Vaccination Cluster nga hingpit nang matapos ang ilang serbisyo sunod tuig 2023, ug ang paghatag sa accessibility sa mga bakuna batok COVID19 ngadto sa mga district health offices sa dakbayan.
Gikanayon ni Dr. Josephine Villafuerte, hangtud Disyembre 18 ning tuiga na lamang ang paghatag ug bakuna, sanglit ibalik kini karong Enero sa mga district health offices.
Magpadayon gihapon ang bakunahan hangtud sa nasangpit nga petsa sa Peoples Park. Apan dili na magpahigayon ug vaccination kada adlaw pagtungha sa Enero, sanglit ipadayon kini sa mga spesipikong mga adlaw.
Gilauman sa buhatan ang pagpahawan sa State of Emergency status sa nasud ni Pangulong Bongbong Marcos sunod tuig.
Sa pikas bahin, wala miabot sa gilaumang target ang ihap sa mga nagpabakuna atol sa gipahigayong tulo ka adlaw nga “Bakunahang Bayan” campaign uban ang DOH.
Sumala sa datos, kapin 85% o nasa kapin 27,000 ang nakadawat sa mga bakuna kontra kagaw tungod sa nihit nga ihap sa mga katigulangan nga labaw nang ginaawhag nga magpabakuna.
via || Bombo LJF
