DAVAO CITY – Gipahimangnuan sa DSWD-Davao ang mga establisyemento ug indibidwal nga ilhon ang mga benepisyo nga angayng makuha sa mga persons with disbility kon PWDs.
Gikanayon ni DSWD Davao PWD Sectoral Focal Person Estrella Lozada, posibleng mag-atubang ug silot ang mga nahisgutan nga dili muila sa mga dunay kapansanan taliwala sa pagbaton ug PWD ID atol sa papresenta sa matag transaksyon ilawom sa Republic Act No. 7277 kon Magna Carta for Disabled Persons.
Dugang sa opisyal nga dili lalim kanila ang pagbaton ug ID nga nagpamatuod sa ilang mga nagkandaiyang kundisyon sama sa visual o hearing impairment, physical ug mental disability.
Sigun sa balaod, makadawat ang mga nahisgutan ug 20 percent discount sa pagpaospital, kalingawan ug transportasyon.
Nagpahibalo sab si Lozada nga ireport sa buhatan ang mga malapasong establisyemento.
