DAVAO CITY- Nag-awhag ang Commission on Elections kon COMELEC 11 ngadto na sa mga kabatan-onan nga magparehistro aron pagpangandam sa umaabot nga Barangay and Sangguniang Kabataan Elections.
Gikanayon ni Atty. Gay Enumerables, assistant director sa buhatan, nga manukad na ang registration alang sa mga bag-ong voters gikan Disyembre 12, 2022 hangtud Enero 31, 2023.
Gikan Lunes hangtud Sabado gawas sa holidays diin sarado ang ilang buhatan.
Gipaklaro sa buhatan nga alang lamang sa mga batan-on gikan 15 hangtud 18 anyos ang BSKE samtang mamahimong SK voter ug regular voter ang mga magparehistro nga botante nga 18 anyos pataas.
Dalhon lamang atol sa pagparehistro ang ilang school ID O libraty card nga dunay address.
Wala pa man petsa kon kanus-a ipahigayon ang piniliay sa barangay gumikan sa hangyo ni Atty. Romulo Macalintal ngadto sa Korte Suprema nga ipa-postpone ang BSKE karong tuiga ug isibog ngadto sa Oktubre sunod tuig ilawom sa Republic Act 11935.
via || Bombo LJ Florendo
