DAVAO CITY – Nagpahimangno ang Davao City Public Safety and Security Command nga ipadayon ang zero casualty ug injury tungod lamang sa paggamit ug gibawal nga mga pabuto karog panahon sa Pasko ug Bag-ong Tuig ilawom sa pagpatuman sa Fire Cracker Ordinance diri sa dakbayan.
Gikanayon ni PSSC head Angel Sumagaysay, ginamintenar sa Davao City sa mga milabayng katuigan ang Executive Order nga may kalabutan sa mga pabuto, ug nanghinaot kini nga mapadayon uban sa kooperasyon sa mga barangay officials.
Gihangyo sab ang tabang sa mga city safety and security personnel aron mapatuman ang maong ordinansa.
Gipaklaro sab ni Sumagaysay nga kung duna may mga susamang insidente, dili matud pa kini gikan sa Davao City kun dili sa mga kasikbit niing mga lugar. Ginadili sab ang paggamit ug mga bamboo cannons kon mga boga isip alternatibong pabuto.
Inay mga pabuto, ginagamit gihapon ang mga pampalanog sama sa torotot matang sugat sa Bag-ong Tuig.
Sukad 2001, nagpatuman ang lokal nga panggamhanan ug ban sa paggamit, pagbaligya, pagpanag-iya ug pagpangapud-apud ug mga pabuto ug pyrotechnics sulod sa dakbayan pinaagi sa City Ordinance No. 060-02 of 2002 nga gilagdaan ni kanhi Davao City Mayor ug President Rodrigo Duterte.
via || Bombo LJ Florendo
