DAVAO CITY- Dako ang kalipay sa Burea of Customs – Port of Davao (BOC-Davao) human nga ilang nalabwan ang target collection alang sa bulan sa Oktobre ning kasamtangang tuig.
Nasayran nga sa nakalabay nga bulan, nakahimo sa pagkolekta ang BoC og anaa sa P3.38 billion nga kita, diin mas taas kini kung itandi sa target nila nga P3.31 billion.
Gikanayon ni Atty. Erastus Sandino B. Austria, BOC-Davao District Collector, nga usa matud pa sa rason sa taas nga koleksyon karong panahona mao ang hugot nga suporta ug tabang sa nagkadaiyang mga stakeholders sa tanang ginapatuman nga programa sa BOC-Davao.
Sa pikas bahin, gipasigarbo sab sa buhatan nga ang nakolekta karong tuiga ang mas taas og 19% kung itandi sa susamang bulan niadtong nakalabay nga tuig nga anaa lamang sa P2.83 billion.
