DAVAO CITY- Gisugdan na og butang ang mga Christmas lanterns nga gimugna mismo sa mga Persons Deprived of Liberty (PDLs) gikan sa Davao City Jail.
Magsilbi kining dekorasyon sa syudad sa Davao ilabi na sa umaabot nga panahon sa kapaskohan.
Ibutang ang mga parol sa mga nag-unang kadalanan sa syudad, sa atubangan mismo sa Davao City Hall ug sa Sangguniang Panlungsod.
Aduna sab ibitay sa mga center islands ug sa dose ka mga parke sa dakbayan. Gikumpirma ni Winnie Rose Galay-Bulig, Officer-In-Charge sa Museo Dabawenyo, nga muabot sa 300 ka mga parol ang gi-order sa lokal nga panggamhanan gikan sa mga PDLs sa Davao City Jail diin mahatagan sab og monetary compensation ang mga inmates gikan sa mismong proyekto.
Dugang pa sa opisyal nga eco-friendly ang produktong parol sa mga PDLs sa Davao City Jail gumikan gama kini sa bamboo o kawayan ug recycled materials ang mga parol nga sagad gigamit kaniadto pang nakalabay nga tuig.
Gi-disenyo ang parol base sa tema sa lungsod karong tuiga nga Fairyland diin bida ang mga colors nga yellow, green ug red.
Ibutang ug ibitay sab ang uban pang mga lanterns isip dekorasyon sa mga poste, overpass, flyover ug sa gikatakdang itukod nga 45-feet Christmas tree sa gawas mismo sa City Hall.
