DAVAO CITY – Nagkahiusa sa pagpadyak ang kapin dosyentos ka mga bikers sa Davao City lakip ang mga nisalmot nga mga bikers sa siyam ka mga nasud sa Asya alang sa kampanya kontra climate change.
Sa pinakaulahing hugna sa Pedal for People and Planet gibaybay sa mga siklista ang mga nag-unang kadalanan sa Davao City aron ikampanya ang mga nagpahinabong epekto sa climate change ngadto sa pangamhanan sa mga adunahang nasud.
Gikanayon ni Asian Peoples’ Movement on Debt and Development Coodinator Lidy Nacpil, nagresulta sa climate change ang mga kalamidad nga nasinatian sa Pilipinas, Pakistan ug Bangladesh.
Hingpit sab nga gipanawagan ngadto sa mga nasud nga musalmot sa UN Framework Convention on Climate Change sa Egypt nga mangilabot na ug dawaton ang dakong kaakuhan sa pagresponde sa kadaot nga hatud sa pabago-bag-ong klima sa kalibutan.
Gipahigayon sab ang maong katikaran sa napulo ka mga syudad ug probinsya sa Pilipinas nga giorganisa sa Asian Peoples’ Movement on Debt and Development, Philippine Movement for Climate Justice, 350.org Pilipinas, ug uban pang environmental groups.
via || Bombo LJ Florendo
