DAVAO CITY – Nagpaklaro ang tigpamaba sa DepEd 11 nga si Jenielito Atillo nga community transmission ug dili mismo gikan sa tulunghaan ang hinungdan sa nagkadaghang ihap sa mga magtutuon ug magtudlo nga natakdan ug COVID 19 panahon sa face-to-face classes sa Davao Region.
Dugang pa sa buhatan nga as of October 24, nakatala ang DepED 11 ug 2,377 ka mga kumpirmadong kaso sa maong kagaw.
Lakip sa maong ihap ang mga estudyante, teaching and non-teaching heads ug school heads.
Sa maong ihap, 18 niini ang kasamtangang aktibo nga gilangkuban sa 9 ka mga estudyante ug 9 ka mga magtutudlo.
Nag-awhag karon ang buhatan ngadto sa mga iskwelahan nga magpatuman ug hingpit nga health and safety protocols luyo sa ipatumang full implementation sa mandatory face-to-face classes sa mga pampublikong tulunghaan sugod karong Nobyembre 2.
via || Bombo LJ Florendo
