DAVAO CITY – Nasuta sa National Economic and Development Authority XI ang pagsaka sa employment rate diri sa Davao Region.
Sumala ni NEDA 11 Regional Director Maria Lourdes Lim, naakatala ug 97.1% ang employment rate diri sa rehiyon nidatong Hulyo, ning tuiga. Kana taliwala sa nagpadayong hagit sa COVID19 pandemic.
Subay sab sa datos sa buhatan, ikaduha ang Davao Region sa pinakataas nga employment rate sa tibuok Pilipinas, gisundan sa Region 2 nga nagbaton ug 97.2% employment rate, ug mas taas sa national employment rate nga anaa sa 94.8%.
Kana gumikan sa mga gitanyag nga mga trabaho sa gobyerno nga infrastructure projects sa matag syudad ug probinsya; sama sa Davao City bypass construction project, Davao City coastal bypass road project, Davao City Expressway project, Davao Public Transport Modernization project, ug Samal Island-Davao City bridge.
via || Bombo LJ Florendo
