DAVAO CITY – Kapin P85 million nga kantidad sa mga smuggled nga mga sigarilyo ang nasignit sa Bureau of Customs Davao nga pinakataas sa tanang mga nakumpiskang smuggled goods karung tuiga.
Gikanayon ni District Collector Erastus Sandin Austria nga sunod niini ang mga sakyanan nga mubalor sa P15 million, ug smuggled agricultural products nga anaa sa P1.2 million.
Sa kinatibuk-an, anaa sa kapin P101 million pesos ang kantidad sa mga nahisgutang smuggled items nga mas taas pa kon itandi niadtong tuig 2021 nga muabot lamang sa P38 million.
Resulta kana sa mas gipahugot nga montoring ug inspeksyon sa mga tindahan nga gituohang nagapamaligya ug mga smuggled items.
Nakipag-alayon ang pantalan sa mga otoridad sa kinatibuk-ang bahin sa Mindanao alang sa pagkakaplag sa mga nahisgutang mga hinagiban bisan pa man sa kalisdanan sa pagpangita niini.
Ubay-ubay sab ang mga nadawat nga intelligence reports nga gipangdala pinaagi sa mga small-wooden vessels ang mga kontrabando.
Nagbahad si Austria nga dunay silot nga nagapaabot alang sa tanang maglusad ug ilegal nga patigayon.
via || Bombo LJ Florendo
