Mipahigayon og rally ang nagkadaiyang grupo sa Davao City aron ipahayag ang ilang pagsupak sa pag-apil sa Pilipinas sa Pax Silica initiative nga gipangulohan sa Estados Unidos, atol sa ASEAN Summit.
Gipunting sa mga nagprotesta ang ilang kabalaka sa posibleng epekto sa maong inisyatiba sa nasudnong soberanya, yutang kabilin sa mga lumad ug mga katungod sa katawhan.
Matud sa mga grupo, posibleng maapektuhan sa maong inisyatiba ang mga komunidad sa Pilipinas, ilabi na kon mas mopabor ang mga polisiya sa interes sa langyaw nga mga nasud ug ilang estratehikong tumong.
Nanawagan usab ang mga nagprotesta sa gobyerno nga isalikway ang Pax Silica ug unahon ang kaayohan ug interes sa mga Pilipino kaysa sa langyaw nga interes sa ekonomiya ug seguridad.
Gipahigayon ang maong demonstrasyon samtang nagpahigayon ang Pilipinas og mga kalihokan kalabot sa ASEAN Summit.











