DAVAO CITY- Muabot sa 112 ka mga city government retirees ang gipasidunggan alang sa ilang pagpanerbisyo sa gipahigayong Davao Pasasalamat 2022 nga gipangunahan mismo sa Davao City Human Resource Management Office (HRMO).
Ang nahisgutang programa ang ginapahigayon matag tuig isip pagpasalamat ug pag-ila sa mga retiring public servants sa lokal nga panggamhanan sa Davao.
Personal nga mitambong sa maong aktibidad sila Acting City Administrator Atty. Francis Mark Layog, HRMO Head Melody Herrera, Commission on Civil Service XI Director Cyril Nathan Eamiguel, mga department heads sa syudad, pipila ka mga public officials ug pamilya sa mga retirees.
Gitunol sa matag usa sa mga retiree ang usa ka plaque of appreciation ug nakadawat sab sila og cash incentives base sa pila ka tuig nila nga pagpanerbisyo diin usa ka libo ka pesos ang tugbang sa matag tuig nila nga pagpanarbaho ilalom sa lokal nga panggamhanan sa Davao.
Gipasalamatan sab ni Layog ang 112 ka mga empleyado kansa gihatag ang tanan nilang pagpaningkamot ug kasing-kasing alang sa pagserbisyo sa publiko.
Dugang pa ni Layog nga misaad si Davao City Mayor Sebastian “Baste” Duterte nga hatagan og P50,000 ang matag retiree.
