DAVAO CITY – Giklaro sa ahensiya sa Davao City Police Office kun DCPO XI nga wa kini nakatala og report mahitungod sa insidente sa hold up sa Dakbayan sa Dabaw tungod wa kini makadawat og blotter o reklamo.
Matud pa ni Police Major Maria Teresita Gaspan, ang tigpamahayag sa DCPO XI, nga padayon ang ilahang pag monitor ilabi na adunay nag viral nga usa ka post sa social media mahitungod sa insidente sa hold up sa managlahing parte sa dakbayan.
Dugang pa, wala kini kamatuoran og ilaha na nga gina verify ang maong post arun ma trace kung kinsa man ang nagpakatag niini. Gipahimangnoan sab ni Gaspan ang publiko nga di mutuo sa mga disinformation tungod maka hatag kini og kaguol ug kahadlok sa katawhan ilabi na nga saulogon ang ika 37 kadayawan sa Dabaw.
Dugang pa, kung mahitabo ang pagpang hold-up, gilayong ireport kini sa kapulisan o pinaagi sa ilang hotline aron hinanaling ma-respondehan.
Saysay sab sa tigpamaba nga kanunayon nga ipatuman ang Culture of Security ug magbinantayon kanunay sa palibot. Likayan sab ang pag-atang og masakyan sa ngitngit nga bahin, ug kun mamahimo, musagol sa daghang tao ug dili sab i display ang mga gadget o gamit gumikan ang kawatan mangita og opportunidad nga mangatake. Dili sab kalimtan nga i kandado ang balay kung mulakaw o kung magabie.
