DAVAO CITY – Gianunsiyo ni Tourism Coordinator Jomark Lanciano nga magpabilin gihapon ang Tribal Village sa unse ka mga tribo human sa selebrasyon sa ika 37 nga Kadayawan Festival isip dugang atraksyon sa nahimutangan niini nga Magsaysay Park.
Sumala ni Lanciano, dili na kini ipatangtang ug imintina kini sa mga IP tribes.
Ibutang sab dinhi ang gitawag nga tribal-in-charge arun muatiman sa mga Dabawenyo o mga turista nga buot musaka sa mga balay sa adlaw nga ablihan kini.
Pormal nga ablihan ang Tribal Village alas 4 sa hapon sa Agosto 5 hangtud sa katapusan sa bulan.
Pagasugdan ang aktibidad pinaagi sa pagpahugyaw sa mga cultural dances sa IP tribe ug sundan sa pag imbita sa mga turista nga buot manaka sa ilang mga panimalay.
Gipahimangnuan sab ang publiko nga musunod gihapon sa minimum health protocols ug bantayan pirmi nga dili makaguba og kabtangan sa mga IP tribes.
Ang mga Dabawenyo ug mga turista gitugotan nga mukuha og mga hulagway.
Dugang ni Luciano, ang mga balay anaa sa standard space nga 60sq. meters sa matag panimalay ug weaving ang usa sa mga ibida nga atraksyon sa maong aktibidad.
Via || JEN MANGUIOB
