Pormal nang nagkasabot ang Pilipinas ug Canada sa usa ka kasabutan sa malayang kalakalan human sa bilateral meeting nila ni Pangulong Ferdinand Marcos Jr. ug Canadian Prime Minister Mark Carney sa Philippine International Convention Center sa Pasay City.
Gihisgotan sa duha ka lider ang pagpalig-on sa trade relations o kalakalan tali sa ilang mga nasod, lakip ang dugay nang gisulong nga Philippines-Canada Free Trade Agreement.
Gawas sa ekonomiya, lakip usab sa mga prayoridad sa duha ka nasod ang kooperasyon sa depensa, seguridad, enerhiya ug people-to-people exchanges.
Mubo lamang nga panahon human sa iyang pag-abot sa Pilipinas, nakigkita dayon si Carney kang Marcos. Kataposang nagkita ang duha niadtong Hulyo 2026 atol sa pagbisita sa Presidente sa Canada.
Gilauman usab nga makigsulti si Carney sa tibuok ASEAN bloc aron hisgotan ang dugang nga kasabutan sa malayang kalakalan tali sa Canada ug sa mga miyembro sa organisasyon.
