DAVAO CITY – Nagpahigayon og panag-tigum ang mga opisyal sa Philippine Eagle Foundation nga gipangulohan ni Exeutive Director Dennis Salvador kauban ang Development Program Manager nga si Andi Baldonado kang Davao City Mayor Sebastian Duterte ug CPDO Head Engr. Ivan Cortez , ning milabay nga adlaw,tungod gihisgutan ang emergency transfer sa Philippine Eagle Breeding Center gikan sa Barangay Malagos Baguio Distrit padulong sa Eden, Toril District.
Tumong sa maong kalihokan nga malikayan ang pagbaton og Avian flu sa mga agila nga anaa sa center.
Nagpasalamat sab ang Philippine Eagle Foundation ngadto sa mayor gumikan sa hinanaling pagpaminaw niini sa ilang hangyo.
Samtang mipadangat sab og pasalamat ang mayor sa pagpagamit sa portion sa public land alang sa mga agila ug pagpahimo og access road sa maong dapit.
Hinuon, aminado ang PEF nga wala pay active Avian Flu outbreak sa Davao City.
Apan sa ubang bahin sa Pilipinas, aduna nay namatikdan nga kaso sa maong virus busa, gihimo kini nga lakang sa maong buhatan aron mapanalipdan ang agila gikan sa maong virus.
Via || JENA MANGUIOB
