DAVAO CITY – Gibana-bana sa Davao city police office nga moabot ug halos 25,000 ka tao ang modagsa sa inagurasyon ni VP elect Sara Duterte Carpio karong adlaw nga domingo June 19,2022 sa San Pedro Square, Davao City.
Gisugdan na usba sa City Transport and management office ang re-routing ug ang upat ka adlaw nga road closure sa lugar kung diin ipahigayon ang pagpanumpa ni VP Sara, sukad kagahapong adlawa hangtud na sa adlaw nga Lunes.
Sa karon gimontar na ang walo ka mga light-emitting diode (LED) video wall sa San Pedro Square nga gamiton atol sa pagpanumpa ni outgoing Davao City Mayor ug Vice President-elect Inday Sara.
Duha ka mga LED video wall ang ibutang sa matag kanto sa San pedro Sqaure aron hapsay nga makatan-aw ang publiko sa pagpanumpa ni VP elect Sara.
Gi-inspection na usab kagahapon sa mga personahe sa Presidential Security Group (PSG) ug sa organizer ang stage ug ang tibuok area sa San pedro Square.
Walay ibutang sumala nga atop o tent sa stage gumikan kay buot sumala pa ni Mayor Inday Sara nga makita sa tanan gikan sa iyang tindugan atol sa iyang pagpanumpa.
Tungod kay gi-dili man ang pagdala ug payong, andam na ang halos 20 mil ka mga raincoat alang sa mga motan-aw kung ugaling mobundak ang ulan ug gawas sa rain coat manghatag usab ug mga pagkaon.
Samtang miabot na usab ang uban pang mga PNP members nga gikan sa kasikbit nga mga probensiya nga motabang sa pagbantay sa tibuok dakbayan sa dabaw. Kagahapon sa hapon, gipahigayon na ang send off ceremony alang sa mga nahisgutan nga gipangunahan mismo ni VP elect Sara Duterte.
Gikaanyon usab ni DCPO spokesperson Major Maria teresita Gaspan nga kapin sa 4,200 ka mga security personnel angh ipakatag sa tibuok dakbayan sa dabaw aron masiguro ang kaluwasan sa tanan nga mga motambong nga bisita ug mga supporters ni outgoing Mayor Sara Duterte Carpio.
