DAVAO CITY – Mipahigayon ang LTFRB 11 ug surpresa nga pagpang-dakop sa mga pampasaherong bus nga nagapasakay lang ghapon ug mga pasahero daplin sa kadalanan dinhi sa dakbayan sa Dabaw.
Mismo si LTFRB 11 Regional director Nonito Llanos III ang nangunay sa paglusad sa nahisgutang operasyon human madawat ang report nga daghan lamang gihapon sa mga bus ang mag-pick up ug mga pasahero sa mga bus stop luyo sa kamanduan sa lokal nga kagamhanan nga angayang terminal-to-terminal lamang ang pagpasakay sa mga pasahero aron malikayan ang susamang panghitabo nga pagbusuikad sa bus sa Sultan kudarat niadtong milabay nga adlaw.
Subay niini, usa driver sa Mindanao star Bus ang pinaka-una nga nadakpan mismo ni Llanos nga nag-pick up ug pasahero sa bus stop dapit sa Magsaysay park ning syudad kaganinang buntag.
Gikanayon ni Llanos, mag-atubang ug ang nahisgutang driver ug multa nga P5,000 pesos sanglit first offense pa lamang ang nahimo niini.
Dugang pa sa maong opisyal sa LTFRB 11 nga molusad usab sila nug surprise apprehension panahon sa kagabhion aron madakpan usab kadtong mga driver nga padayong misupak sa nahisgutang kamanduan.
SUmala ni Llanos nga mas pahugtan nila ang monitoring ilabi na nga laing pagpamomba na usab ang nahitabo kagabii sa Basilan.
