DAVAO CITY – Dagsa kagahapong adlawa ang daghang ihap sa mga magtutudlo nga nagsilbi niadtong nakalabay nga eleksiyon sa buhatan sa commission on election sulod sa Magsaysay Park ning syudad aron pagkuha sa ilang honorarium.
Nakadawat ug 8 mil ka pesos ang mga nagsilbi isip chairperson sa electoral board samtang 7,500 pesos usab ang nadawat sa maatg support staff ug third members.
Magpadayon lamang gihapon sumala pa karong adlawa ang pag-release sa nahisgutang honorarium.
Subay sa guidelines, 15 ka adlaw human ang pagpahigayon sa May 9 National ug Local elections kinahanglan nga ma-release na ang honorarium sa mga teaching ug non teaching personnel sa DepEd nga nagsilbi atol sa piniliay.
Hinuon, gipasalig usab sa comelec nga mamahimo gihapong makuha sa mga magtutudlo ang ilang mga honorarium bisan ug milapas na sa gitakdang adlaw.
Gibutyag usab sa DepEd 11 nga sa davao region moabot sa 21,806 ka mga teaching ug non teaching staff sa DepEd11 ang nag-serbisyo sa nakalabay nga eleksiyon.
Samtang, dako ang pasalamat ni DepEd 11 spokesperon Jenielito Dodong Atillo sa mga magtutudlo nga nahimong kabahin sa nakalaby na elskyon.
Sumala pa niini, dakong garbo sa departamento ang ngihimo sa mga nahisgutan nga pag-hatag ug seguridad ug proteksiyon sa boto sa katawhang Pilipino.
