DAVAO CITY – Gipangunahan ni Major General Nolasco Mempin, ang commander sa 10th Infantry Division sa Philippine Army ang Donning of Rank ceremony ngadto sa 34 ka mga bag-ong na-promote nga enlisted personnel atol sa flag raising ceremony kagahapong adlawa Mayo 23, 2022 sa Parade Ground, Camp General Manuel T Yan Senior, Mawab, Davao de Oro.
Sa iyang mensahe, gitimbaya ni MGen Mempin ang 34 ka mga enlisted personnel alang sa usaka well-deserved promotion.
Angayang ipasigarbo sumala pa mga nahisgutan ang nakab-ot nga kalambuan ug dili angayang mahadlong sa iyang bag-ong mga position.
Inay, lantawon isip isip uskaa opurtunidad aron magmalampuson sa mas daghan pang mga butang sa natad sa professional o sa ilang tagsa-tagsa ka mga personal nga kinabuhi.
Nanghinaot si Mempin nga ang bag-ong ranggo sa mga personnel ang maghatag kanila ug inspirasyon aron magmalambuan sa ilang commitment, professionalism, ug contribution sa ilang tagsa-tagsa ka mga units.
Atol sa seremonya, gidayeg usab ni Mempin ang Agila troopers sumikan sa malampuson nga pagpahigayon sa National ug Local Elections 2022, lakip na ang pagkabungkag sa duha ka Guerilla Fronts ug usaka Sub-Regional Guerilla Unit (SRGU) sa nakalabay nga semana.
