DAVAO CITY – Gipagawas ni Acting Mayor Sebastian Duterte ang usaka executive order (EO) nga nag-dili sa pagpasulod sa tanang mga live birds, mga produkto ug mga by-products niini gikan sa Luzon ug sa uban pang mga dapit nga gikakreport nga adunay mga kaso sa Bird Flu dinhi sa syudad sa dabaw.
Gipirmahan niini ang EO 19, Series of 2022, o mas naila nga “An Executive Order Implementing A Temporary Ban On The Entry Of All Live Domestic And Captured Wild Birds, And Their Products And By-Products, Including Day Old Chicks, Eggs, Semen, Manure, And Feathers, From Luzon And Other Areas With Reported Cases Of Highly-Pathogenic Avian Influenza Into The City Of Davao” on May 13, 2022.
Gikanayon sa EO 19, nasuta nga positibo sa Highly Pathogenic Avian Influenza (HPAI) H5N1 strain, o mas komon nga naila isip Bird Flu ang mga apektadong langgam nga gi-test Department of Agriculture (DA), pipnaagi sa Bureau of Animal Industry – Animal Disease Diagnosis and Reference Laboratory (BAI-ADDRL), naidtong February 22, 2022 gamit ang Real-Time Polymerase Chain Reaction (Real-Time – PCR).
Ang nahisgutang mga langgam ang naggikan sa mga probensiya sa Bulacan ug Pampanga. Sumala pa ni acting Mayor Baste nga nagtumong ang pag-ban aron mapanalipdan ang katawhan gikan sa dautang epekto nga hatud sa bird flu.
Gimanduan usab ang tanang mga concerned agencies hangtud na sa barangay level nga pahugtan ang ilang biosecurity, hygiene, ug sanitation standards sa mga poultry dressing plants, live birds markets, commercial poultry, ug backyard poultry farms sa ilang tagsa-tagsa ka mga area of jurisdiction aron masiguro ang kaluwasan sa tanang katawhan sa dakbayan.
Gimanduan usab ang Philippine National Police, Task Force Davao, DA, ug ang uban pang mga hingtungdang ahensiya sa gobyerno nga aphugtan ang seguridad ug pagpahigayon ug pagpatrolya sa mga utlanan sa syudad.
