DAVAO CITY – Naglaum karon si Island Garden City of Samal (IGACOS) mayor Al David Uy nga mahinayon na ang multi-billion 3.98-kilometer Davao City-Samal Island Bridge project sulod sa termino ni presumptive President Ferdinand Marcos Jr. Gikanayong kapin usa ka bulan ayha mahuman ang termino ni Pangulong Rodrigo Duterte, wala pa gihapon karun gisapinal sa Chinese counterpart ang loan agreement alang sa pagtukod sa tulay.
Una ng gilaoman sa local chief executive nga matapos ang P19.321-billion bridge project ayha matapos ang termino sa successor ni Pangulong Duterte.
Naglaum sab karon ang Mayor nga masapinal na ang loan agreement ayha pa man mubiya sa katungdanan ni Pangulong Duterte sa Hunyo 30.
Nasayran nga magsugod gilayon ang konstruksiyon sa tulay sa higayon nga maaprubahan gilayon ang loan agreement alang niini.
Kahinumduman nga ang pundo alang sa tulay ang gahinan ug 90% nga loan sa China samtang ang nahibilin nga 10% ang maggikan sa national budget.
Kaniadtong Enero 14, 2021, una ng gisulod sa Department of Public Works and Highways ug China Road and Bridge Corporation ang signed ug design ingon man build contract agreement human nga midaug ang Chinese contractor sa bidding ug nasundan kini sa pag-isyu ug notice of award pagsulod sa Disyembre 14, 2020.
Sa higayon nga mahatagan ug katumanan, dakung tabang sumala pa ang nahisgutan nga proyekto alang sa tourism activities sa Samal, mapalambo ang community access alang sa employment, education ug uban pa nga social services ug magsilbi sab kini nga alternative routes atol sa emergency situations ug disasters.
Gikanayong usa ka toll-free four-lane ang nahisgutan nga tulay nga adunay duruha ka lane matag direksiyon ug mamahimo sumala pa nga maserbisyohan niini ang anaa sa 25,000 vehicles matag adlaw tali sa Davao City ug Samal nga mutabok pinaagi sa Pakiputan Strait.
