DAVAO CITY – Gikanayon ni City Environment and Natural Resources Office (CENRO) head Engineer Marivic Reyes nga anaa sa walo ka porsyento sa kinatibuk-ang election campaign materials nga nagkatag latas sa dakbayan ang nakolekta na alang sa proper disposal.
Sumala pa kang Reyes ang pagbahin-bahin sa mga nakolekta nga campaign materials nga recyclables ang gamiton pagbalik samtang ang mga non-reusable campaign materials ang ilabay sa city landfills.
Dugang niini, nga ang reusable materials ang i-turn over sa local livelihood organizations diin mamahimo nila kini nga i-recycle ug himuon nga usable products.
Una ng gi-awhag ni Mayor Sara Duterte ang mga dabawenyos nga mutabang sa clean-up effort pinaagi sa pag-report sa mga wala nakolekta nga campaign material nga ilang makita.
Gitataw sab ni Reyes nga samtang gisugdan nila ang proseso, kinahanglan nga makighiusa sa pagpaningkamut ang CENRO ug tanan nga Davao City barangay units.
Apan gikanayon niini nga ang kampanya sa siyudad alang sa waste segregation sa barangay level nga mandato ilalom sa Ecological Solid Waste Management Ordinance of 2009 sa siyudad ang nagpabilin karun nga hagit.
Gitataw sab niini nga magpadayon ang CENRO nga makiglambigit tali sa barangay captains ingon man sa ilang committee on environment chairman alang sa full implementation sa waste segregation.
Gikumpirma sab sa Reyes nga sagad sa mga barangay sa siyudad ang dili makasugakod sa pag-practice sa waste segregation.
Gitataw sab niini nga bugtong 30 gikan sa 182 ka mga barangay lamang ang nagapatuman karun ug tukman nga pagbahin-bahin sa mga basura.
