DAVAO CITY – Gikanayon ni Atty. lawyer Gay Enumerables, Asst. Regional director sa Commission on Elections (Comelec) nga nadawat na sa mga siyudad ug municipal treasurers sa rehiyon ang mga official ballots alang sa May 9 elections.
Sumala pa kang Enumerables nga ihap sa mga official ballots ang gipadala dayon sa nagkadaiyang lugar sa rehiyon base sa ihap sa mga botante sa nagkadaiyang LGUs.
Gani mikabat sumala pa sa 4,000 vote-counting machines (VCM) ang nahatud na sab sa mga nag-unang lugar sa Davao region. Subay sa record sa buhatan, adunay 4,384 clustered precincts sa rehiyon.
Samtang gikanayon sa Davao City Police Office (DCPO) nga mas daghanang mga sakop sa kapulisan ang ipakatag arun masiguro ang seguridad sa mga polling precincts.
Una ng gibutyag ni Col. Alberto Lupaz, DCPO acting chief, nga 80% sa ilang mga personahe ang ilang ipakatag samtang ang nahibilin ipahimutang sa checkpoints ug police stations sa dakbayan.
Samtang nagpahimangno sab ang Comelec ngadto sa mga botante nga magdala na lamang ug listahan sa mga botohan arun nga dali matapos ug ma-proseso.
