DAVAO CITY – Naa na sa minimal Risk sa covid 19 ang halos tanang mga barangay sa dakabayn sa dabaw o buot pasabot, wala na kini gikatalang mga kaso sa makatakod nga kagaw.
Subay sa labing ulahi nga Barangay Classification nga gipagawas sa Lokal nga kagamhanan sa dakbayan sa dabaw gikan May 2 hangtud May 7, 2022, wala nay mga barangay nga naa sa critical risk, ug high risk classification sa syudad sulod na sa halos tulo ka bulan.
Hinuon, bugtong ang Barangay Maa na lamang ang naa karon sa moderate risk barangay classification.
Samtang, upat usab ka barangay ang naa sas Low risk classification ng gilangkuban sa mga Barangay 9-B, A. Angliongto, Sr.; Talomo Proper; ug Tibungco.
Sa kinatatibuk-an 177 ka mga barangay gikan sa 182 ka mga barangay sa dakbayan sa dabaw ang naa sa minimal risk classification.
Bisan sa padayon nga pag-ubos sa mga kaso sa covid 19 positive sa dakbayan sa dabaw, nagpadayon gihapon ang pahimangno sa lokal nga kagamhanan nga mag-amping kanunay ug labaw sa tanan kanunay magsul-ob ug facemask, ug likayan ang walay hinungdan nga paglakaw-lakaw.
