DAVAO CITY – Laraw karun sa Department of Labor and Employment nga pahugtan pa ang mga proyekto ug mga aktibidad arun nga masolusyonan ang child labor.
Sumala pa kang DOLE Davao del Norte Program facilitator Dave Andrei Villegas n ga kinatibuk-ang 1,037 ka mga kaso sa child laborers ang ilang natala sa unang quarter sa 2022 sa munisipalidad sa Sto Tomas ug Carmen.
Ang nahisgutan nga profile sa mga child laborers ang sagad matala sa mga banana industry diin kadaghanan kanila ang nanarbaho isip ting-panit ug saging.
Gitataw sab ni Villegas nga base sa gipahigayon nga research, ang child labor cases natala sa milabay nga mga katuigan gumikan sa epekto sa ekonomiya hatud sa COVID-19 pandemic.
Tungod niini, nagpahigayon karon ang DOLE Davao del Norte ug two-pronged approach arun nga masolusyonan ang maong problema.
Makonsidera nga long term approach ang pagpatuman sa livelihood program inabagan sa local government units, partner agencies ingon man corporate o business entities.
Gikanayong ang short term approach ipatuman pinaagi sa paghatag sa mga ginikanan ug emergency employment pinaagi sa Tulong Panghanap-buhay sa mga Displaced workers o TUPAD.
Gipahugtan sab karon sa DOLE Davao del Norte ang public awareness on child labor arun nga magbaton ug dugang kasayuran ang mga ginikanan sa ilang mga responsibilidad arun nga malikayan ang child labor ug ang posibleng legal penalties sa higayon nga malambigit ang ilang mga anak sa child laborers luyo sa gipatuman nga mga intervention sa kagamhanan.
