DAVAO CITY – Gipahigayon kagahapon ang send off ceremony sa Davao city Police office alang sa security forces nga mohatag ug hugot nga seguridad atol sa eleksiyon karong Mayo 9, 2022.
Ang nahisgutang security forces ang gilangkuban sa kapin dos mil ka mga personahe sa DCPO, Task Force Davao, CTTMO, Coast Guard, BFP, Davao city 911, Davao city mobile force company, SWAT, Tourist Police Unit, EOD K9 unit, 27th Infantry Batallion, 89th Infantry Batallion, 56Th Infantry Batallion, Special Action Force, mobile patrol unit, ug augmentation team sa PRO 11.
Palapdan pa sa kapulisan ang police visibity niini ilabi na sa mga lagyo ug hilit nga dapit sa dakbayan sa dabaw.
Otsenta porsiento sa nahisgutang security forces ang ma-assign sa election duties samtang 20% usab sa ilang basic mandate.
Moabot usab sa says sientos ka mga personahe sa kapulisan ang mobantay sa mga polling precints.
Samtang, andam na usab ang security plan sa Daniel R Aguinaldo national High School diin moboto si pangulong Rodrigo Duterte.
