DAVAO CITY – Gihuptan na karon sa Digos City Police office ang video footage sa mga suspect nga mipusil – patay kang Barangay Kapitan Angelito Balasabas sa Barangay San Jose, Digos City.
Gilauman nga pinaagi niini mailhan ug madakpan sa labing madali nga panahon ang mga suspect nga nagsakay sumala pa ug N-Max nga motorsiklo, kini ang gawas pa sa uskaa milyon ka pesos nga reweard money nga gitaga sa lokal nga kagamhanan sa Digos City.
Kahinumduman nga gipusil si Balasabas pasado alas singko kagahapon sa hapon samtang pasulod na unta sa iyang pinoy-anan sa Aurora Third Purok Jacosalem, Digos City gikan sa Barangay Hall.
Samtang, gipahigayon ang pagbalsamar kang Balasabas, nakuha ang usaka deformed slug sa .45 nga kalibre sa armas gikan sa lawas niini nga naka-ankgon ug daghang pinusilan.
Subay sa pasi-unang pagpanubay sa kapulisan naka-angkon ang biktima ug mga samad sa abaga, kilid sa iyang lawas nga milapus sa iyang dughan nga bahin.
Gikanayon ni Col Julius Silagan, bag-ong provimcial director sa Davao de Sur nga daghang mga anggolo ang gilantaw sa kapulisan sa pagpatay sa kapitan partikular na ang may kalabutan sa politika ug personal nga kasuko.
