DAVAO CITY – Gikatala sa lokal nga kagamhanan sa Mati City ang 21 ka mga kaso sa dengue sulod lamang niining bulan sa Abril.
Kini ang giluwatan nga kompirmasyon gikan sa City Epidemiology Surveillance Unit (Cesu). Sumala ni April Delagua, disease surveillance officer sa Cesu, sa 21 ka mga kaso 15 ang gikatala atol sa unang semana sa Abril ug 6 atol usab sa ika-duha nga semana niiniong bulana.
Gikanayon niini nga regular nga nagapahigayon ug paghi-usa sa mga kaso sa dengue ang CESU matag semana. Dugang pa ni Delagua nga gumikan sa ulahing ihap nga 22 ka kaso nahimo na karon 147 ang kinatibuk-ang ihap sa mga dengue cases sa Mati City sukad niadtong bulan sa Enero karong tuiga diin kadaghanan niini ang gikan sa Barangay Central nga adunay 53, Matiao – 22 ug Dahican 28 cases.
Kadaghanan sa mga dengue cases sa Mati City ang naa sa pangidarong singko hangtud dies anyos. apan, ang age group nga zero hangtud 12 anyos ang adunay labing taas nga ihap sa mga kaso ngva moabot sa 87, giusndan sa age group nga 19 – 59 nga adunay 30 ka kaso ug sa age group nga 13 – 18 nga adunay 27.
Samtang, gikatala usab ang 2 ka mga kaso sa mga senior citizens nga nagpangidaron ug 60 anyos pataas, ug 1 ang gikareport nga patay niadtong Enero 2022 nga nag-edad ug 76 anyos.
Kanunay usba sumala pa nga mipahigayon ug monitoring ug site surveillance ang CESU sa mga purok aron pagbungkad sa mga posibling breeding sites sa dengue carrying disease ug pagpahigayon ug indoor residual spraying matag pinoy-anan sa mga purok nga adunay reporter cases sa dengue.
Labot niini, gipahinumduman ni Delagua ang mga residnete sa Mati city nga mag-amping sa mga posibling breeding sites sa ilang pinoy-anan ug sundon ang “4S” sa dengue prevention nga mao ang Search and Destroy sa posibling mga breeding breeding sites, Seek early consultation kung naglain ang lawas, batasanan ang Sepf-protection measures ug ang Support fogging / spraying mewasures.
