DAVAO CITY – Mabulokon ang nahimong kasaulogan sa ika-18 nga adlaw nga natawhan ni Veronica “Kitty” Duterte sa usa ka hotel ning dakbayan diin nahimong highlight niini ang sayaw diin ka-partner niini si Pangulong Rodrigo Duterte.
Sa viral video, makita nga gisayaw ni Pangulong Duterte si Kitty nga nakasuot ug red ug gold gown nga gama sa inilang fashion designer nga si Mak Tumang.
Kahinumduman nga si Tumang ang naghimo ug mga gown sa mga inilang celebrities ug beauty queens kalakip na si Ms Universe 2018 Catriona Gray.
Samtang una na sab nga mihatag sa iyang wish ang iyang half brother nga si Vice Mayor ug acting mayor Sebastian “Baste” Duterte dungan sa pagbutyag nga wala niya giila si Kitty isip iyang half-sister.
Gani gi-awhag pa niini si Kitty nga unta mamahimo kini nga abogado sa umaabot nga panahon.
Pipila sa mga inilang personalidad nga mitambong sa party ang gilangkuban nila ni kanhi pangulong Gloria Macapagal-Arroyo, Pastor Apollo C. Quiboloy, kanhi senator Manny Villar, ug senator Cynthia Villa ug daghanan pa.
Si Kitty anak sa kasamtangang asawa ni Pangulong Duterte nga si Honeylet Avanceña.
