DAVAO CITY – Padayon ang pag-ubos sa kaso sa covid 19 sa Southern Philippines Medical Center (SPMC) karong panahona.
Subay sa labing ulahi nga covid 19 daily statistics and graphics sa SPMC, 45.07% na lamang ang ICU beds utilization niini o 32 gikan sa 71 ka toral bed capacity ang nagamit ning kasamtangan.
Samtang, naa na lamang usab sa 45.93% ang ward beds utilization sa nahisgutang ospital o 124 gikan sa 270 ka mga total ward beds ang nagamit sa pagka-karon.
Labot niini, usa na lamang ang bag-ong gikatala nga covid positive case sa SPMC nga mihatud sa kinatibuk-ang ihap nga 26 active covid cases as of April 3, 2022.
Gikatala usab sa SPMC ang lima ka mga bag-ong recoveries o kinatibuk-ang 14,412 o 88.80%.
Nanghinaot si SPMC chief Dr Rocardo Audan nga magpadayon ang pag-ubos sa kaso sa covid 19 sa ilang ospital.
Apan, mipadayag usab kini ug kabalaka sa posibling surge sa mosunod nga mga bulan.
Hinuon, sama sa nakalabay nga mga panahon preparado kanunay ang tibuok kadumalahan sa SPMC sa unsa mang posibling pagsaka na usab sa kaso sa covid 19 gumikan sa mas gipaluagan nga mnga restrictions sa dakbayan da dabaw nga karon gipa-ilalom na sa alert level 1.
